دورة a+

دورة a+ 

اليوم الـ 2076 من 30 يوم

اليوم الـ1
الهدف: دورة a+
اليوم الـ 2076 من 30 يوم

- اليوم الأول | مقدمة

507 مشاهدة | 3 تعليق | 2 تفضيل 507 | 3 | 2

شششششششش ماشاء الله ..
الحمد لله مرت أول ساعه من الدورة ب سلام ، مع العلم ان فيها شوية ثقالة دم من ناحية الانواع و التعاريف و المسميات وأنا من الناس اللي أنسى اي شي فيه انجليزي :) ،

البدآية حلوه ، تبشر بخير .. أحاول أرفع مستوآي الحآسوبي ب أقصى درجة والبدآية مع دورة الصيآنة ،

اليومَ الأول : فيه الكمبيوتر وشهو من لحيه :) ، أنواعه .. ماهو الهاردوير والسوفتوير .. وحدات القيآس ( البت - البآيت - الكيلو .. )
بعدين دخلت ف العميق شويَ وهو المآذربورد وش مكونات وش أنواعه وهذا اللي فيه الكلام يطول .. لان الحاسب ب شكل عام ما يقوم الا فيها زي العمود الفقري ل الانسان بدونه ما يتحرك !
< أنا م اعجبني الا المثال احسه متعوب عليه :)

دخلت عاد على اللي يتركب في الماذربورد .. المعالج - الهارديسك - الميموري .. وخلافه ، اخذت قبسات منه والكلام الدسم ف الايام الجايه ..

قبل الماذربورد .. أخذت السوفتوير وماهو نسيت اذكره فوق لان التسلسل في الشرح عند المدرب يجيب التشتت الذهني ،

السوفتوير اخذت فيه .. انه يتكون من ثلاث انواع نظام التشغيل - التطبيقات - التعاريف ..

كلها بسيطة وسهلة .. نظام النشغيل هو اللي يقوم بعمل توافق بين قطع الهارد .. و إدارة الملفات مثل الحذف والاضافة وتسسذا ، وبيئة لعمل البرامج .. بدونه ما تقدر تتصفح النت ولا تقدر تدخل الوررد ..

التطبيقات اللي هي الوورد و البوربوينت وتشذا ، التعاريف اللي هي تعرف الحاسب ب القطعه المركبة مثلا طابعة كرت صوت وهكا ،

نرجع ل الماذربورد .. اخذت انواعه اللي هيه 2 ..
1/ nonintegrated system board
2/ integrated system board

الأول : اللي يجي بدون كرت صوت ولا مدخل ل الشاشة ولا شي فاضي انت تركب فيه اللي تبي ..
الثاني : عكس الاول فيه كرت صوت وشبكة و مدخل ل الشاشة .. تكون مدموجه في الماذربورد نفسه .. وهي المستخدمه في اغلب الاجهزة ،

بعدين دخلنا على تصاميم الماذربورد وتكلم فيها ب التفصيل وهذي النقطة اللي تحوم التسسسبد /
عندك 5 تصاميم ل الماذربورد :
1/ AT
2/ ATX : Advanced Technology extended
3/ Micro ATX
4/ NLX : New Low-profile
5/BTE : Balanced Technology Extended

وهذآ كل اللي أخذته اليومَ .. مقدمة عامة أحسها فيها معلومات أول مره أعرفها وفيها القديم من زمن جدي مر علي ،

شكراً ع المرور /
الله يكتب لي الرزق الحلال ويبارك لي في عمري ويصلح لي جميع أحوالي ..

2 عضو يفضل هذا التعليقات 3
اليوم الـ2
الهدف: دورة a+
اليوم الـ 2076 من 30 يوم

| اليومَ آلثآني ..

510 مشاهدة | 1 تعليق | 0 تفضيل 510 | 1 | 0

آيهّ ، ي من شراء له من حلاله عله ..
اليومَ الثاني فِ ه الشيء المرهَ نايسَ على قولت الموجودين فِ غرب الخريطه .. :)
- ب أستكمال ل معرفة م بدآخل اللوحه الأم .. أخذت اليوم chipest و expansion slots .. وقبل لآ أتكلم عنها أبي أوضح نقطه اللي هيه الناقل ( bus ) وهو عبارة عن موصل ل المعلومات عبر الماذربورد .. ووحدة قياسه هي bit .. عدد البتات اللي يرسل عبر ال bus تسمى ب bus width .. و سرعة النقل تسمى ب bus speed .. السرعة دائماً وحدة قياسها ف عالم الكمبيوتر .. ب الهيرتز ، سواء ميجا أو قيقا ..
ندخل ف chipsets .. هي مكون من مكونات اللوحة الأم .. هي من تحدد مواصفات المعالج و الرام .. تسمى غالباً ب coprocessor .. جميع ال chips تنتجها شركتين فقط .. انتل و via .. وشركات اللوحات الأم تشتري ال chips منها ،

تكون ف ال Motherborad ف مكانين وآحد قريب من المعالج والرام والثاني ثريب من مداخل كروت الشاشة " slots " ..
تسمى القريبة من المعالج ب " north bridge " و القريبة من ال slots ب " south bridge " ..

ال " north " هو ل المكونات التي تتطلب سرعة عالية .. وهو موصول ب المعالج و الرام و AGP .. وهو مسؤول عن " south "
ال " south " هو ل المكونات المنخفضة السرعة ك " audio - usb " وهكذآ ..

طيب الآن خلصنا من chipsets .. ندخل ف " Expansion slots " وهي مداخل الكروت ف المآذربورد .. وأنواعها :
( PCI - AGP - PCIe - AMR - CNR )

المهمَ فيهم هو : PCI وهو اللي يركب فيه كرت الشاشة وكرت الصوت والشبكة ..
AGP : هو ل كروت آلشاشة الآحترآفية .. سرعته 8 أضعاف ال PCI ليه لآنه ف north :)

بآقي الآنواع ليست ب شآئعة وآنما فِ مآذربوردات متخصصه ..

اللي آبي آقوله وشي أول مره أتعلمه اليومَ .. أن chip هي اللي تحدد وش المعالج اللي يركب على المآذربورد .. وكم الرام اللي تركب ونوعها ..

ف قبل لآ تشتري ماذربورد حاول انك تتاكد من chip تقبل المعالج المطلوب ولا لا ..

- وتقبل الله صيامكم وقيامكم ..
< وشكراً ل المتابعة .. مع العلم أني اكتب هنا ل المراجعه والتأكيد ليس الأ ..

0 عضو يفضل هذا التعليقات 1
اليوم الـ2
الهدف: دورة a+
اليوم الـ 2076 من 30 يوم

| اليومَ الثآلث : بدآية الملل : )

582 مشاهدة | 4 تعليق | 3 تفضيل 582 | 4 | 3

- السلآم عليكم ورحمة الله وبركآته ..

أولاً الصبر هو أساس كل نجاح .. ورقة وضعتها على جهازي ك نوع من التحفيز مع العلم أني من الناس اللي نادراً أسمع صدى صوت نفسي الداخلي :)

اليومَ الحمد لله .. أنجزت شي فِ حياتي وبديت أحس اني شخص عندي شغف ب التعلم .. اخذت اليوم الدورة اللي هي الاساسيه وعليها امن الكتروني و شبكات ..

حسيت اني مقصر ب هالجوانب بشكل عام ..
ف انا مسوي خطة عمل على مدى 3 سنوات .. مع العلم ان البداية كانت 3 ايام لحد الان .. لكن أحاول لو اجتاز النصف ..

الخطة عبارة عن نصيحة من شخص ممارس ل العمل فِ it وقدم تجاربه والاخطاء اللي ينصحنا نتجنبها ..
ان شاء الله احاول اطبق اللي يقوله ..

الحمد الله اليوم خلصت كل ما يتعلق ب اللوحة الام " Motherborad " وش الاشياء اللي تركب عليها وش اسماء المداخل ل الكروت و الهارديسك وكذآ ..

أخذت الميموري .. وانواعه اللي هيه " SIMM " وهي قديمه شوي .. ثم " DIMM " وهذي هي المستخدمة في الاجهزة المكتبيه .. ثم " SoDIMM " وهذي ل أجهزة الاب توب ..

ما دخلت ف كيفية عمل الميموري .. لان له درس خاص به لوحده ب كامل تفاصيلها .. لكن اخذتها ك معرفة الانواع اللي تركب على الماذربورد ..

بعد أخذت CPU " المعالج " وأن فيه نوعين ل تركيب المعالج أولها " slots " والثآنيه " Socket " الأولى توقفت عن العمل .. الثانيه هي المستخدمة اليوم ..

بعدين أخذت المكان اللي يركب فيه power .. بعدين اماكن تركيب ال dvd و الهارديسك ..
الهارديسك عندنا نوعين " SATA " وهي الاسرع والاجدد ، وفيه " Scsi " اللي هيه قطع تستخدم لزيادة عدد الهارديسكات ف الجهاز تجي على شكل كرت ..

تحدثنا بعد كذا عن مدخل الكيبورد والماوس واللي أسمه " Mini DIN " وفيه USB .. لكن يفضل استخدام مداخل الماوس والكيبورد العادية .. لكي تاخذ زيادة في عدد usb ..

بعدين جينا على مداخل الجهاز كامله .. مدخل الشبكة مدخل الشاشة مدخل المودم مدخل الصوت .. اللي متصله بالماذربورد ..

بعدين تكلمنا عن " Motherboard Attachment " وهي نوعين نوع موجوده على اللوحة الام لا يمكن ازالتها ك مدخل الفارة وتسذا واسمها " Direct solder method " وفيه اللي يمكن ازالتها وتركبها وتسمى " Header connection " ..

بعدين وصلنا ل البيوس " BIOS " واللي وظيفته شغلتين :
الاولى : Power on self test يقوم ب عملية فحص أو اختبار ل مكونات الهاردوير وإظهار رسالة خطا لو كان هنالك اخطآء .. والوظيفة الثانية : عمل تحميل ل الويندوز ..

ال Bios متخزن في قطعة أسمها Firmware ..

أخذت CMOS .. عبارة عن نوع من أنواع الميموري .. يتخزن فيها البيانات والتاريخ وكلمة السر ل Bios وليس الويندوز ..
عند تشغيل الجهاز يكون فيه معلومات أفتراضية على BIOS من أول تصنيعه يعني لو BIOS متصنع 2009 ف تاريخ الجهاز راح يكون 2009 .. لكن CMOS تقوم ب دور حفظ التواريخ والارقام فيها .. وعند تشغيل الجهاز يروح BIOS ل CMOS أذا حصل معلومات غير عن اللي عنده ياخذه ويترك المعلومات الافتراضية ..
< اموت ع الشرح :)

بعدين أخذت الفرق بين BIOS وَ CMOS .. واللي هو
BIOS : عبارة عن برنامج صغير .. ما أقدر أخزن فيه المعلومات ولا اعدل فيه .
CMOS : عبارة عن ذآكرة .. أقدر أخزن فيها .

هذآ كل اللي أخذته اليومَ .. واللهم علمنا ما ينفعنا وانفعنا بما علمتنا انك انت العزيز الحكيم ..

وكل سنة وانت بخير وصحة وسلامة ..

3 عضو يفضل هذا التعليقات 4
اليوم الـ3
الهدف: دورة a+
اليوم الـ 2076 من 30 يوم

| كل عام وأنتم من الرحمن أقرب .

594 مشاهدة | 4 تعليق | 2 تفضيل 594 | 4 | 2

الله أكبر الله أكبر لا إله الا الله ..
الله أكبر الله أكبر ولله الحمد ،

الله أكبر كبيرَ والحمد لله كثيرَ وسبحان الله بكرةً وأصيلا

2 عضو يفضل هذا التعليقات 4

liriod.com © 2015