دورة a+

دورة a+ 

اليوم الـ 2203 من 30 يوم

اليوم الـ2
الهدف: دورة a+
اليوم الـ 2203 من 30 يوم

| اليومَ الثآلث : بدآية الملل : )

641 مشاهدة | 4 تعليق | 3 تفضيل 641 | 4 | 3

- السلآم عليكم ورحمة الله وبركآته ..

أولاً الصبر هو أساس كل نجاح .. ورقة وضعتها على جهازي ك نوع من التحفيز مع العلم أني من الناس اللي نادراً أسمع صدى صوت نفسي الداخلي :)

اليومَ الحمد لله .. أنجزت شي فِ حياتي وبديت أحس اني شخص عندي شغف ب التعلم .. اخذت اليوم الدورة اللي هي الاساسيه وعليها امن الكتروني و شبكات ..

حسيت اني مقصر ب هالجوانب بشكل عام ..
ف انا مسوي خطة عمل على مدى 3 سنوات .. مع العلم ان البداية كانت 3 ايام لحد الان .. لكن أحاول لو اجتاز النصف ..

الخطة عبارة عن نصيحة من شخص ممارس ل العمل فِ it وقدم تجاربه والاخطاء اللي ينصحنا نتجنبها ..
ان شاء الله احاول اطبق اللي يقوله ..

الحمد الله اليوم خلصت كل ما يتعلق ب اللوحة الام " Motherborad " وش الاشياء اللي تركب عليها وش اسماء المداخل ل الكروت و الهارديسك وكذآ ..

أخذت الميموري .. وانواعه اللي هيه " SIMM " وهي قديمه شوي .. ثم " DIMM " وهذي هي المستخدمة في الاجهزة المكتبيه .. ثم " SoDIMM " وهذي ل أجهزة الاب توب ..

ما دخلت ف كيفية عمل الميموري .. لان له درس خاص به لوحده ب كامل تفاصيلها .. لكن اخذتها ك معرفة الانواع اللي تركب على الماذربورد ..

بعد أخذت CPU " المعالج " وأن فيه نوعين ل تركيب المعالج أولها " slots " والثآنيه " Socket " الأولى توقفت عن العمل .. الثانيه هي المستخدمة اليوم ..

بعدين أخذت المكان اللي يركب فيه power .. بعدين اماكن تركيب ال dvd و الهارديسك ..
الهارديسك عندنا نوعين " SATA " وهي الاسرع والاجدد ، وفيه " Scsi " اللي هيه قطع تستخدم لزيادة عدد الهارديسكات ف الجهاز تجي على شكل كرت ..

تحدثنا بعد كذا عن مدخل الكيبورد والماوس واللي أسمه " Mini DIN " وفيه USB .. لكن يفضل استخدام مداخل الماوس والكيبورد العادية .. لكي تاخذ زيادة في عدد usb ..

بعدين جينا على مداخل الجهاز كامله .. مدخل الشبكة مدخل الشاشة مدخل المودم مدخل الصوت .. اللي متصله بالماذربورد ..

بعدين تكلمنا عن " Motherboard Attachment " وهي نوعين نوع موجوده على اللوحة الام لا يمكن ازالتها ك مدخل الفارة وتسذا واسمها " Direct solder method " وفيه اللي يمكن ازالتها وتركبها وتسمى " Header connection " ..

بعدين وصلنا ل البيوس " BIOS " واللي وظيفته شغلتين :
الاولى : Power on self test يقوم ب عملية فحص أو اختبار ل مكونات الهاردوير وإظهار رسالة خطا لو كان هنالك اخطآء .. والوظيفة الثانية : عمل تحميل ل الويندوز ..

ال Bios متخزن في قطعة أسمها Firmware ..

أخذت CMOS .. عبارة عن نوع من أنواع الميموري .. يتخزن فيها البيانات والتاريخ وكلمة السر ل Bios وليس الويندوز ..
عند تشغيل الجهاز يكون فيه معلومات أفتراضية على BIOS من أول تصنيعه يعني لو BIOS متصنع 2009 ف تاريخ الجهاز راح يكون 2009 .. لكن CMOS تقوم ب دور حفظ التواريخ والارقام فيها .. وعند تشغيل الجهاز يروح BIOS ل CMOS أذا حصل معلومات غير عن اللي عنده ياخذه ويترك المعلومات الافتراضية ..
< اموت ع الشرح :)

بعدين أخذت الفرق بين BIOS وَ CMOS .. واللي هو
BIOS : عبارة عن برنامج صغير .. ما أقدر أخزن فيه المعلومات ولا اعدل فيه .
CMOS : عبارة عن ذآكرة .. أقدر أخزن فيها .

هذآ كل اللي أخذته اليومَ .. واللهم علمنا ما ينفعنا وانفعنا بما علمتنا انك انت العزيز الحكيم ..

وكل سنة وانت بخير وصحة وسلامة ..

3 عضو يفضل هذا التعليقات 4
تسجيل حساب

سجل حساب لتشارك معنا وتضع تعليقك هنا

  • عبدالمجيد الثاري  | منذ 6 سنة

    مبدع في تلخيصك جميل وممتع واصل والله يسهل دربك ويوفقك
    وكل عام وانتم بخير

    0
  • YoussefLaasri  | منذ 6 سنة

    بارك الله فيك اخوي ع التلخيص و المعلومات القيمه , بانتظار باقي تدويناتك ان شاء الله
    وكل سنة وانت بخير وصحة وسلامة

    0
  • mina  | منذ 6 سنة

    معلومات قيمة ومكتوبة بطريقة جميلة وتلخيص رائع
    بانتظار المزيد منك يااخى

    0
  • dody  | منذ 6 سنة

    الله يعينك اخي موفق ان شاء الله تلك خطةوة رائعة متابعينك
    احيك اخي فكره رائعه جدا بالتوفيق متابعين لك وبنتظار جديدك

    0

liriod.com © 2015